Fostering Climate Resilient Upland Farming System in the North-East (FOCUS) kaltlangin Ningani khan Champhai district Leisenzo khuaa farmer interest group (FIG) te hnenah district bawrhsap James Lalrinchhana chuan alu chi a sem chhuak a, alu chingtute zirtirna pek an ni bawk.
Alu chi sem hi natna, sik leh sa hrang hrang laka dam khawchhuak thei tura duan, tlangram mil tur Kufri Jyoti variety a ni a. Alu chi sawngbawl dante a taka entir a ni. Alu chi hi Leisenzo khuaa FIG 10 hnuaia chhungkua 129 hnenah sem niin, a vaiin quintal 75 (bag 170) vel sem a ni a, ruahman dan chuan February -March thla chho hian chin tur a ni. Tun dinhmunah Champhai district-a khua 60 ah FOCUS hnuaia inziaklut FIG 629 an awm a ni.
Bawrhsap hian MNREGA kaltlanga Leisenzo field laih zauh hna thawh mek, Apple Farm chuanchung link road siam leh loneitute tana chawlhbuk sak bakah Anganwadi Centre leh Fair Price Shop-te tlawhin hmalak dan a enfiah a. Kumina alu chinna tura Leisenzo khawtlangin an ruahman Dampui ram \a tlawh nghal bawk.
Leisenzo khua alu chin tir dawn
