Leitha siam leh pa khawi dan tha mithiamten zirtir
Mizoram University-a Department of Botany leh ICAR- National Bureau of Agriculturally Important Microorganisms (ICAR- NBAIM) tangdun chuan Thawhlehni khan Melriat-ah kuthnathawktute tan changpat leitha siam leh pa khawi lama inzirtirna an buatsaih.
Melriat khawchhung atangin kuthnathawk tu mi 150 vel an tel a. MZU Department of Botany head Prof F Lalnunmawia chuan bultan duh tak takte tan an bul tanna tur an ngaihtuah pui thei tih a sawi a. ICAR-NBAIM director Dr Alok Srivastava pawhin Mizoram-a kuthnathawktute chu mimal taka tanpui a inhuam bakah sum leh pai thlengin NEH (North Eastren Hilly State) kaltlangin puih a inhuam tih a sawi. Nakin lehzelah Mizoram-ah organic farming lama than zel theihnan bioinnoculants (lei tithatu microorganisms) pek a inhuam tih a sawi bawk.
eitha siam dan leh a pawimawhna, kuthnathawktute tana a hlawkna sawifiah a ni a. India sawrkarin kuthnathawktu a ngaihpawimawh zia leh an hamthatna tur a ngaihtuah nasat zia sawi niin, tih tak tak tum tan sawrkar a inhawng zau tih sawi a ni.
Mithiam sawmbikte atangin biofertilizers chungchang, pa khawi leh enkawl dan, changpat hmanga leitha (vermicompost) siam dan leh a thatna sawi a ni.
Leitha siam leh pa khawi dan tha mithiamten zirtir
