Taylor Swift lar zia chu sawi a ngai tawh lo, a ngaihzawng nih ringawt pawh a hlawk tham tlat. Taylor Swift nena an inngaihzawn hmaa khawvelin chuti tehchiam a hriat lar pawh ni lem lo Kansas City Ciefs tight end Travis Kelce tan Hollywood kawngka a inhawng ve leh ta a, action comedy Loose Cannons-ah a chang dawn. Inkhelh a thiam a, lemchan a thiam leh thiam loh pawh kan hmu leh thuai dawn e.
Travis Kelce, kum 34, hi tunhmain movie khawvelah a la inhmang ngai lo a, Loose Cannons hi a film role hmasa ber tur a ni. He film hi John Wick film hrang hrang a stuntman leh producer Cad Stahelski produce tur a ni a, a thawnthu ziaktu hi Tim Dowling niin, ani hi Role Models, Just Got With It, Pixels leh Office Christmas Party-ah te pawh hnuhma lo nei tawh a ni.
Travis Kelce hi TV lamah chuan Ryan Murphy TV series Grotesquerie-ah Niecy Nash nen chang dunin, he series hi September ni 25-ah a debut dawn bawk. Loose Cannon hi control police officer pahnihin tuma buaipui theih loh case an buaipui dan vel tarlanna a nia, The Hollywood Reporter chuan a film kalhmang hi Lethal Weapon, Bad Boys leh Rush Hour te ang deuh chi tur niin an tarlang bawk.
Lemchan khawvelah Travis Kelce
