Daily Newspaper

Lewis Hamilton-a kum khat hlawh $ 62M

10

F1 world champion Lewis Hamilton-a kum khat hlawh chu dollar maktaduai 62 niin Forbes chuan an tarlang a, hei hi nikum a a hlawh dollar maktaduai 66 aiin a tlem zawk hret. Forbes-in an tarlan dan chuan 2021 atana Mercedes nena an inremnaah a base salary chu dollar maktaduai 55 a ni a, F1 tlan kawng pawn lamah dollar maktaduai 7 a hlawh tel bawk a ni. Mahse, kumin hian a champion leh hlauh a nih a bonus leh prize money te dawn belh a nih chuan nikuma a hlawh hi a khum thei dawn thung a ni.

Tuna F1 world championship-a hmahruaitu ni mek, Red Bull driver Max Verstappen hian dollar maktaduai 42 a hlawh ve thung a, tlan kawng pawn lamah, fakna vel atanga a hlawh chu dollar maktauai khat vel chauh a ni ve thung.

F1 driver zinga hlawh tam pathumna chu F1 khawvela rawn inlar tharleh, world champion pawh tum hnih lo ni tawh, Fernando Alonso a ni a, ani hi kum 40 ral kai tawh niin, tunah pawh Hamilton nena la inum tawk tak an la ni tho mai.

Red Bull driver dang Sergio Perez pawhin dollar maktaduai 18 a hlawh a, Red Bull driver hlui, Ferrari driver Sebastian Vettel chuan dollar maktaduai 15 a hlawh ve thung a, ani hian 2020 kan dollar maktaduai 30 chuang a hlawh pha a, kuminah a hlawh hi a tlahniam hle a ni. Ferrari driver dang Charles Leclerc pawhin dollar maktaduai 12 a hlawh pha a, McLaren driver pahnih Daniel Ricciardo leh Lando Norris ten dollar maktaduai 10 leh dollar maktaduai 9 an hlawh pha a, Ferrari driver chhawr thar Carlos Sainz Jr chuan dollar maktaduai 8 a hlawh pha bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy