Daily Newspaper

Line of Actual Control-ah sipai dah belh

15

Line of Actual Control (LAC) boruak a tan zual deuh avangin Army te chu fimkhur thuah an indah belh thu Army chief Gen. Manoj Naravane chuan Ladakh a tlawh hnu ni hnihnaah a sawi.

“LAC boruak a tan deuh avangin thil awm dan thlirin kan him zawk nan leh LAC security that nan fimkhur thuah kan indahbelh a, hei hi kan security leh integrity him nana tih a ni,” tiin Gen. Naravane chuan a sawi.

Tun hnai thla hnih thum chhungin boruak a tan reng thu sawiin mahse chuti chung chuan China nen sipai leh diplomatic level-ah inbiakna neih reng a nih thu a sawi thung.

Inbiakpawhna neih reng a ni a, kan nei chhunzawm reng bawk ang tia sawiin Gen. Naravane chuan, “Hetianga inbiakna hmang hian inmil lohna kan neih te kan chinfel theih ngei kan beisei a ni. Status quo a inthlak kan duh lo va, kan dinnaah nghet taka din kan tum a ni,” tiin a sawi bawk.

Leh bakah forward areas a tlawhnaah Gen. Naravane chuan thil awm dan a hmun ngeiah kala a enfiah thu sawiin sipaite nen pawh inbiakna an neih thu a sawi bawk a. “Sipai te an phur a, an rilru a dik a, eng pawh thleng se tawn ngam turin an awm a ni,” tiin a sawi bawk.

Ramria boruak tang hi kumin May atanga intan tawh kha niin a bik takin North Bank of Pangong bik phei chu boruak tang zual taka a la awm rengna a ni.

Chushul ah chuan Brigadier level inbiakna a ni ngana atan neih chhunzawm a ni leh thung a, mahse, hetah pawh hian South Bank bik a boruak tang chu a la tireh chuang lo.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy