Daily Newspaper

Lirnghing tuarte chhawmdawl turin MP-in ngen

29

Parliament Session neih mekah Mizoram MP K Vanlalvena chuan Mizoram chhung, Myanmar ramri hnaiha lirnghing tuarte ngaihven a, chhawmdawlna pe turin sawrkar laipui a ngen.

Parliament Monsoon Session ni 9-na, Thawhlehnia Rajya Sabha thutkhawmah MP K Vanlalvena hian Champhai leh Serchhip district khaw thenkhata lirnghing chanchin a sawi chhuak a. Kumin chhungin Mizoramah vawi 100 aia tam lir a nghin tawh thu House-ah hian sawiin, July-a rinawmna thu tiam tura Delhi a kal tumah Ministry of Earth Sciences secretary Dr M. Rajeevan a hmuh thu te, a ni hnenah Mizorama Investigation Team tir tura ngenna a lo thehluh tawh thu leh tun thlenga chhanna a la hmuh loh avanga a hriatthiam loh thu te Parliament House-ah hian a sawi a ni.

Mizorama lirnghing ang zat hi state dangah thleng nise, tun ang hian sawrkar laipui chuan a ngaihthah loang tih Mizoram mipuiten an rin thu a sawi bawk.

MP hian Ministry of Home Affairs leh Earth Sciences hnenah ngenna pali thlenin, a rang thei ang bera Investigation Team Mizorama tir turte, lirnghing tuartute hnena compensation pe turte, lirnghing tuartute hnena an tawmhulna tur pe tur leh Mizoram hnenah lirnghing zirna hmanrua pe turte in a ngen a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy