Daily Newspaper

Lirnghingin Kawtchhuah Ropui tikhem

15

Mizoram khawchhak lamah tun hnaiah lir a nghing thin a, Kawtchhuah Ropui pawh a tikhem deuh tih thu dawn a ni.

Vangchhia-a Kawtchhuah Ropui hi Archaeological Survey of India-in heritage site-ah puangin an enkawl a, a chanchin hi zir mek a ni.

Vangchhe village council member Malsawmtluanga chuan Kawtchhuah Ropui-ah hian Ralven Buk a hmelhem thu a sawi a, mahse a nasa lo tih a sawi tel.

Ralven Buk hi panga a awm a, pahnih chu a hmain a lo chhe tawh. Pathum a la awm a, chu chu lirnghingin a sawi avangin, a chung a khem tih a sawi.

“Ralven Buk chung lung a khem a, a tla a. Mahse a khem nasa lo,” Sawma chuan a ti a, “A chunga lung hi a pawnlang chu lungno a ni a, chu chu a tla pheuh pheuh a. Siamthat a har a rinawm,” a ti bawk.

Kawtchhuah Ropui-ah hian lungphung 260 vel a awm a, chung chu a him thu sawiin, “Thil dang chu a him a, lungphunte pawh a chhe lo e,” a ti.

He hmuna thil hluite hi a awmzia tak hriat a la ni lo a, tute sulhnu nge tih te nen zirchian mek a ni. ASI lam chuan lungphun-a thil inziak hrang hrangte chu Mizote sulhnu-ah an ngai. Eng huna mi nge tih pawh hriat a la ni lo.

Lirnghinna hmun Tuipuiral hi pi leh pute sulhnu thil hlu hrang hrang awmna a ni a, chung hnam rohlute chu a him tih thu dawn a ni.

Lamsial Puk pawh a him thu Farkawn khawtlang hruaitute chuan an sawi a, Kungawrhi Kua pawh a him thu an sawi. Farkawna Fiara Tui erawh Vaphaia mi ang bawkin a tui a nut phah tih thu dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy