Mizoram atanga Churachanpur a FCI buhfai dah tur motor Ashok Leyland chu thawhtanni zan khan Saitual chhak Tuivawl leh Saichal inkarah chesualin kawng thlangah a lum a, motor neitu leh khalhtu ni bawk S. Lalhmudika (42) Hlimen chu a hmunah a boral nghal.
Chhanchhuah hna thawk tur hian Saichal khawtlang mi thahnem tak an thawh chhuah bakah, YMA Sub-Headquarters, Saitual hruaitute leh a hnuaia Disaster Management Committee, Saitual Police leh Mizoram Truck Drivers Association te an thawkchhuak nghal a.
S. Lalhmudika ruang hi Saitual-ah lumen puiin, District Hospital Saitual-ah post mortem a nih hnuah Hlimen pan pui nghal a ni.
Saichal khawtlang ten motor accident-a buhfai hi hnatlangin an thiar chhuak nghal bawk a ni.
Lirthei chesualah pakhat thi
