May 24 khan Lunglei bula lirthei chetsualnaah mi pathum an thi.
Thudawn danin, K Lalhlimpuia (25) s/o K Rammawia leh a thianpa Jerry Lalnunfela (40) s/o R Lalzuimawia, Hauruang chu Inrinni zan khan Lungleiah an kal tih hriat a ni
a, an chhungten an chanchin an hre zui thei ta lo a, khawtlang hruaitute an hriattir bakah Pathianni chawhnu lam khan Lunglei Police an hriattir a ni.
Hemi ang hian Hauruang khawtlang hruaitute leh Lunglei Police hian an chhuizui a, an mobile phone a la ring thei a, heta tanga an chhui zelnaah Lunglei Sazaikawn leh Haurang inkar, Riangvaite Thlanmual bulah chetsualna hnuhma chhui thlengin kawngthlangah an car MZ-02 A 5769 chu an hmu ta a ni.
He chetsualnaah hian K Lalhlimpuia leh Jerry Lalnunfela hi chu hriat nghal an ni a, ruang dang pakhat hi hriat nghal ni mai lo mah se, a hnu lawkah Hauruang mi bawk Lalrintluangi (22) d/o Zodingliana a ni tih hriat chhuah a ni.
Hemi hnua an awm dan an chhuidawn theih danin, zan dar 8.00 velah an pathum hian Lungleia mela siamah an kal nia hriat a ni. An phone atanga an thiante an biakna atangin an chetsual hun hi zanlai pelh hnu, dar 1-2 inkar vel a ni. Pathianni zan dar 6 khan an ruang hi lakchhuah kim a ni.
Lirthei chesualah pathum thi
