Mizoram sawrkarin a hnuaia thawkte pisa kai hun, thlasik chhung atana a tihdanglam avangin senior SP Traffic chuan Aizawl khawpui chhunga lirthei intlanchhawk hun tih danglam ve hret a ni tih mipui a hriattir.
Sawrkar hriattirna awm sa leh danin thuneihna a pek angin Traffic SP hian 2024 October 1 atanga 2025 February 28 thlenga hman turin, lirthei zawng zawng (mimal, sawrkar leh bungraw phur lirthei, district dang lirthei leh state pawn a lirthei register-te huam vekin intlanchhawk hian zing dar 9.30 atanga tlai dar 5.00 thleng a huam anga; lirthei intlanchhawk hian Inrinni (Saturday), Pathianni (Sunday) leh sawrkar chawlh a huam loang.
Taxi (LMV leh two wheeler) chu sticker A, B leh C hmanga intlanchhawk kalpui mek angin zing dar 9.30 atanga tlai dar 5.00 inkar an intlanchhawk anga; Inrinni (Saturday) bikah chawhnu dar 1.00 atangin taxi (LMV & two wheeler) te hi an vaia tlanchhuah phalsak an ni. Pathianni (Sunday) leh sawrkar chawlhah pawh taxi (LMV leh two wheeler) hi an vaia tlanchhuah phalsak an ni.
Lirthei intlanchhawk hun siam thar
