Daily Newspaper

Lirthei khalhtu hri kai hmu meuh tawh lo

10

Ni tin mamawh phurtu lirthei khalhtu-ah Covid-19 hri vei hriatchhuah an awm meuh tawh lo a, an vai vaia enfiah pawh a ngai rih lovah ngaih a ni.

Assam atanga Vairengte-a lut truck enkawltute chu Vairengte daiah lo enfiah thin an ni a, hun a heh bakah ramri chungchangah harsatna a thlen ang tih hlauhna a awm. Kolasib bawrhsap chuan harsatna awm theite ngaihtuah a ngaih bakah lirthei khalhtu-ah hian hri kai hriatchhuah an awm meuh tawh loh avangin, a hma anga an vaia enfiah an ni tawh rih lo tih a sawi.

Hri an kai em tih enfiah a nih avangin tun hnaiah Vairengte dai-ah lirthei an intlar put a, traffic a jam nasa hman hle. Bagha thleng thlenga lirthei an intlar chang te pawh a awm hman. Tun karah erawh, lirthei enkawltu zawng zawng endik an ni ta lo a, traffic pawh a hma angin a jam ta lo. ‘Han jam deuh chang te chu a awm a, mahse a hma angin a rei tawh lo a, thui tak tak an intlar tawh lo,’ Kolasib bawrhsap chuan a ti.

Kolasib bawrhsap Dr H Lalthlangliana chuan traffic a jam avanga Lailapur lama lirthei an intlar hian ramri chungchang a nghawng ang tih a hlauhawm thu a sawi a, ‘Lirthei khalhtute hi thingpui te an lo pe a, thingpui petute hian buk sak an tum zel a. Chuvangin zawi zawiin an rawn tawlh chho ang tih a hlauhawm a,” a ti.

A sawi danin, tun hnaiah hri kai hriatchhuah an awm meuh tawh lo a, traffic a jam nasa bawk nen, an vai vaia enfiah lovin a remchang chang an enfiah ta a, ‘random’-a an enfiah pawhin an enfiahte zingah hri kai an awm meuh tawh lo. Lirthei enkawltute hi Mizoram leh Assam inkara tlan reng an nih avangin a ngai an ni deuh tlangpui a, chuvangin an vaia enfiah a nih chuan mihring ngai kha rei lo te teah enfiah nawn an ni thin bawk. Chuvangin an vai vaia enfiah hi tul rih lovah an ngai a ni.

Lirthei khalhtute hi enfiah an nih avangin an phun lem lo niin a sawi a, mahse traffic a jam nasat phah bakah, chu chuan ramri chungchang a nghawng ang tih a hlauhawm thu te sawiin, lirthei khalhtuah hri kai an pung a nih chuan khauh zawka kal leh mai theih a nih thu te a sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy