Nikum June thlaa contract pawtsei Liver-pool forward Mohamed Salah chuan sum tam tham lutuk hlawh tura sawmna Saudi Arabia lam a\angin dawng bawk mah se chhuah tumna a nei lo a, Anfield club-ah a rinawm chhunzawm dawn niin a agent chuan a sawi.
Saudi newspaper Al Riyadiah ziah danin Al-Ittihad chuan kum hnih chhunga pound makta-duai 155 tehreng hlawhtir inhuam chungin Salah an dawr a, a man atan pawh pound maktaduai 52 Liverpool pek an ngam a, mahse, Salah agent Ra-my Abbas chuan social media post siamin, “Mo-hamed chuan LFC lo ngaihtuah dang a nei lo. Kumin hian chhuah tum ni se nikum khan a contract a pawtsei hauh lo ang,” a ti.
Tarlan tawh angin, kum 31 mi ni ve ta Salah hian nikum nipui thawt lai khan kum thum dang chambelh turin a contract neih lai a pawtsei a, inremna thar ang chuan June 2025 thleng Anfield club-ah a la khawsa thei.
Liverpool hian an midfielder pahnih Fabin-ho leh Jordan Hender-son-te chu tun nipui in-suan hun lai hian Al-Ittihad leh El-Ettifaq lam-ah an lo hralhchhuak tawh a, Roberto Firmino pawhin Anfield-a a con-tract a zawh rual ruala Al-Ahli zawm turin in-remna a ziak tawh bawk.
Liverpool-ah Salah a rinawm
