Daily Newspaper

Loneitu lungawilote pungkhawm tam belh zel

5

Agriculture law pathum te hnawl duha loneitu tena lungawi lohna an lantir mek laiin Punjab leh Haryana thingtlang khuaa chengte chuan loneitute thuamna tur blanket leh puan in te leh damdawi te an thawn.

Hei mai bakah hian turban a thlawna semna tur kiosk siam a ni bawk a.

Heng kisosk te hi Miri Piri Welfare Society, Firozput, Punjab district ami te siam niin turban lak tum hian loneitute an intlar a. Kiosk hmang hian turban tam tak ni hnih chhungin sem a ni tawh a ni.

“Society hi kan khuaa thalai te enkawl niin mirethei leh naupang tena a thlawna zirna an neih theih nan a thlawn vekin kan pe thin a ni,” tiin kiosk volunteer Vikramjeet Singh chuan a sawi.

“Nitinin mi sang tam tak loneitute lungawilohna hmuna an pun belh zel avangin kisok hi din ni se kan ti ta a ni,” a ti a.

“Turban duh apiangin a thlawnin a nei thei ang a, Sikh a ni emaw ni lo emaw kan thliar lo. Tu te mah an sakhua kan zawt lo va, tute pawh kan pawm vek a ni,” tiin Singh chuan a sawi.

Khua atangin nitin kiosk a dah tur puan 400 metres lak ziah a nih thu a sawi bawk a. “Khua atangin helai hmun thlen nan hian darkar 8-10 vel hun hman a ni a. Nitin khua atangin a phur tur tirh niin zingah an lo thleng thin a. A ni khatnaah zing dar 11 velah kan bultan thei a, mi 250 an lokal a ni. Inrinni khan dar 10 ah kan tan a, tlai lamah chuan mi 400 lai in an la tawh,” tiin Singh chuan a sawi bawk.

Heng kiosk te hi loneitu tena lungawilohna an lantir chhung chuan kalpui a nih tur thu a sawi bawk.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy