Daily Newspaper

Loneitute leh sorkar inbiakna hlawkchham

12

Centre leh farmer tena inbiakna tum ruk an neih chu hlawhchhamin Delhi border-ah loneitute chu agri marketing law pathumte nuaibo duhin lungawilohna lantirin an la awm khawm zui reng.

Home Minister Amit Shah hova December 8 zana inbiakna chu hlawhchhamin loneitute chuan sorkarin dan thar pathuam a siamte siamthat a tumna chu hnawlin loneitute chuan dan siamthat duh lovin hnawl vek an duh thung ni.

Tum ruk inbiakna hi engmah inremna nei lova tawp zuiin December 9 a inbiakna nei tura ruahman lawksa pawh thulh a ni zui nghal a ni.

Lungawilohna lantir chhunzawm reng a nih avangin border point-a traffic nasa taka khaihlakin loneitute chu Singhu, Tikri leh Ghazipur-ah te an punkhawm nasat vang a ni a.

Delhi Traffic Police te chuan mipuite chu Tikri, Jharoda, Dhansa border te khar a nih thu Twitter kaltlangin an hriattir a. Jhatikara border erawh two wheeler leh kea kalte tan hawn a ni thung.

Centre-in ruahmanna thar siam
Nimin tlai khan Centre chuan ruahmanna thar a siam chu loneitu te hnenah a thlen a. Heng ruahmanna te hi loneitute lungawilohna tihrehna tura a siam a ni.

Ruahmanna a siamte hi farm union leader 13 te hnenah a pe a. Chung zingah chuan Union lungawi lo 40 vel zinga a lian ber Joginder Singh Urgrahan of BKU (Ekta Ugrahan) pawh a tel a ni.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy