Daily Newspaper

Lopez a champion nawn leh

12

Tokyo Olympic Ga-mes neih mekah Cuban Greco Roman wrestler Mijain Lopez chuan Gold medal a hlawhchhuak leh a. Wrestling-ah a zawna Olympic Gold Medal vawili hlawh-chhuak thei hmasa ber niin, hnuhma tha tak a hnutchhiah.

Mijain Lopez hi 130kg category-ah a inlan a, final-a khingpui Georgia aiawha inlan Iakobi Kajaia chu 5-0 in a hneh a, a champion nawn leh. Cuba inbuan chak Lopez hi Beijing Olympic 2008-ah khan 120 kg huangah a inlan a, a vawikhat nan Gold medal a hlawh-chhuak. London Olympic-ah khan 12oky category-ah a inlan zui leh a, a champion nawn leh. Rio Olympic 2016-ah 130 kg huangah a inlan a, a vawithum nan champion in, Tokyo Olympic 2020-ah a vawi li nan a champion zui leh ta a ni. Wresling huangah a zawna vawili Olympic Gold Medal hlawh-chhuak thei hmasa ber a ni. Hun chhinchhiahtlak tak tawng a, a vawili nan a champion tum hian lawm vangin a coach chu a pu kual nghe nghe.

Lopez hi wrestler zingah Olympic-a hnu hma nei tha ber a nih bakah athlete zingah a zawna Gold Medal pali hlawhchhuak thei pang ana a ni chiah bawk a. Paul Elvstrom (Finn sailing, 1948-1960), Al Oerter (discus, 1956-1968), Carl Lewis (long jump, 1984-1996), leh Michael Phelps (200m individual medley, 2004-2016) te hnung a zui. Olympic-ah vawili a champion bakah hian World Championship-ah vawi 5 a champion tawh a, World Cup-ah vawi 3 a champion tling tawh bawk.

Hlawhtlinna sang tak a chan hnu hian Wrestling a chawlhsan thu a puang zui nghal a. Hahdam diai in hnuhma tha tak a hnutchhiahte a thlir kir thei tawh dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy