LPS-in reality show ‘Mizo Talent’ buatsaih dawn
LPS Vision Production chuan Mizo zinga theihna neite inpho chhuah nan, talent nei tha zawnna ‘Mizo Talent’ a buatsaih dawn a, he TV Reality Show-a tel duhte tan June ni 3,2025 atangin LPS office, Zarkawt-ah form a lak chhuah tan theih a ni ang.
Mizo Talent-ah hian intihsiakna tur Category paruk – Zai, Lam, Instrumental Music, Magic Show leh Acrobatics te a awm dawn a. Heng Category hrang hrangah te hian mimal leh pawl (Group) ang pawhin a in lan theih dawn a, Comedian-ah hian Stand-up comedian tan tel theih a ni ang.
Mizo Talent-a tel duhte tan June ni 3,2025 (Thawlehni) atangin LPS Office, Zarkawt-ah Form a lak theih dawn a, hriat chian tur nei tan pawh LPS Office ah hian a zawh chian theih dawn a ni.
Mizo Talent-a pakhatnain Rs. 2,00,000 a dawng dawn a, Top 10-a tlingte tan lawmman tha tak tak awm dawn bawk a ni.
LPS Vision hian TV Reality Show hlawhtling tak tak a lo buatsaih tawh thin a, nikum, 2024 pawh khan hlawhtling takin Youth Icon leh LPS Profight an buatsaih leh a, Zofate fan chhuak tur TV show hmuhnawm tak tak an chhawp chhuap thin a, tunhnaiah pawh LPS leh MVA te chuan Pro Volleyball League 2025 hlawhtling takin an buatsaih leh bawk a ni.
LPS-in reality show ‘Mizo Talent’ buatsaih dawn
