Daily Newspaper

LS MP-in Mizorama DDK leh AIR mamawh thlen

30

Lok Sabha MP C Lalrosanga chuan New Delhi-ah Information & Broadcasting minister Prakash Javadekar hmu in Mizorama Doordarshan leh All India Radio in harsatna an tawh leh mamawhte a sawipui.

Lok Sabha MP chuan DDK Aizawla programme leh news enkawltu tur hotu bik an awm loh thu I&B minister hi hrilhin, senior officer leh Indian Information Service mi dah turin a ngen a. Minister hian I&B secretary phone nghalin DDK Aizawl enkawltu tur senior officer dah turin a hrilh nghal a ni.

Prasar Bharati chief executive officer Sashi Shekhar Vempati leh member (Finance) Rajeev Singh te pawh kawmin, DDK Aizawl programme chhun dar 12 atanga chhuah thin chu programme pangngaia siam tluantling turin a ngen. AIR leh Doordarshan hnathawkten tun thlenga HRA arrear an la hmuh loh pawh pe rang turin a nawr nghal bawk.

MP hian Doordarshan director-general hna a chelh laia a lo enkawl tawh Doordarshan directorate a tlawh a. DG Doordarshan tanglai leh DG News ni bawk Mayank Kumar Agrawal kawmin DDK Aizawl inrelbawlna leh sum mamawhte ngaipawimawh turin a ngen a ni.

AIR leh Doordarshan engineer -in- chief CBS Maurya nen an inkawmnaah C. Lalrosanga chuan Mizorama an hnathawkte bakah an khawl leh hmanruate tiphuisui turin a ngen a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy