Tuirini lui fintu Sathang luia oil chhia paihtute chuan an thil tih enfiahtute hnenah dawt hrilhin an thil tih dik loh thup an tum tih sawi a ni.
Centre for Environment & Social Justice (CESJ) Mizoram chuan report an dawn bawhzuiin, NHIDCL hnuaia hna thawk, kawng laitu GVV Construction Pvt.Ltd. in Tuirini fintu Sathang luia an oil (fly ash) chhia an paih thin chu a hmunah an enfiah a. company hruaitute nen an thukhawm a ni.
Tlangnuam YMA hnena an insawifiah angin, dawt a nih leh nih loh finfiah chu an tum ber a ni a. CESJ hnenah hian thudik lo an lo hrilh tih an hriat vangin Sathang lui leh fly ash an siamna khawlpui en turin an kal a. Luia oil an paih nasa tak an hmu a, fly ash an siamna atanga luang thla an lo thianfai hman loh a awm tih an sawi.
Fly ash ekchhia phumna tur an lo laih chawp tih an hmu bawk tih sawiin, GVV company dawt sawi leh, an kal dawn tih an hriat vanga an lo inthup tumna an hailan avangin company hotute hian thupha an lo chawi nasa hle tih an sawi a ni.
CESJ chuan ti tawh lo tur leh an fly ash paihna tur chu dik taka siamin, chu chu kar khat hnuah an endik leh tur thu an hrilh a. Environmental Impact Assessment (EIA) pe turin an ngiat tih an sawi bawk.
He mi hnu hian he thila Seling Police Out Post-a FIR an lo thehluh tawhah statement an pe nghal a ni.hli zawng zawng hi Tuirini luiah luanglut vekin, luia nungcha leh biodiversaity tana thil pawi tak thlen thei a nih bakah huan lo ram neitute tan harsatna nasa tak thlenin hun rei tak tui tlan tur an neih loh phah a. Luia oil lut chu mihring hriselna atan thil pawi tawpkhawk a nih avangin ram neitute leh khawtlang nu leh pa, NGO pawhin tun aiin environment nghaisatute lakah thikthu tichhe tawh se an duh tih an sawi.
Luia oil paihtuten enfiahtute dawt hrilh
