Union Home Ministry chuan States te chu lung in tang chhuah lailawk te an chin hriat nan ‘tracking device’ bun tir vek turin a ti a. Hei bakah hian misual zual bik te chu misual satliah deuh te nena thliar hrang turin a ti bawk.
“State te chuan lung in tang chhuah lailawk te chin hriat nan electronic monitoring technology an hmang ang” tiin rawtna Model Prisons and Correctional Services Act, 2023 State tinte hnena May thlaa tihchhuahah tarlan a ni tawh a. Thawhtanni khan a tum khat nan he Act copy hi Ministry website ah tarchhuahin a awm a ni.
“Lung in tangte chu chhuah lailawk an nih hmain an chetvelna hriat theih nan electronic tracking device vuah an remti tur a ni a. Lung in tangin dan bawhchhiatna a nei a nih chuan a prison leave nakin zela a lak theih tihtawp mai bakah a chhuah lailawkna chu tihtawp nghal a ni ang,” tiin Act chuan a sawi a.
Tun thla tir lam khan Jammu and Kashmir police te chuan firfiak bail-a chhuah lai mek chu a ngal rekah GPS tracker an dah sak a ni.
Ministry chuan lung in enkawlna leh inkaihhruaina chu tun thlengin Independence hmaa dan siam pahnih The Prisons Act 1894 leh The Prisoners Act 1900 hmang a la ni a ti a. Hun kal zelah heng colonial Acts te hi a hluiin a thing tawh bawk a. Prison chu State subject a ni a, he mi kaihhnawiha dan siam thar ngai te chu State sorkar thuneihna a ni a. Criminal justice system a lung in pawimawhna leh dan anga a pawimawhna hriain Home Ministry chuan heng colonial hun lai dan thlakna tur comprehensive Act a peihfel tawh bawk.
Advanced infra
Act chuan central leh district prison tinah high-risk prisoner te dahna bik turin advanced security infrastructure leh procedures te kalpui a ngai a ti a. “Chung lung in ang te chuan court hearings/trial neih nan court complex a nei tel tur a ni” tiin model Acts chuan a sawi bawk a.
Act chuan State te chuan lung in enkawlna tha leh him lung in tang te enkawlna tha leh him a awm theih nan technology te an hmang tangkai tur ti bawkin chung zingah chuan biometrics, CCTV system, scanning leh detection devices, Radio Frequency Identification (RFID), video conference facilities etc te chu lung in tinah dah tur a ti bawk.
Hei mai bakah hian States te chu prison administration tin te digitise vek tur leh database te chu Interoperable Criminal Justice System nena htlunzawm vek turin a ti bawk.
Act chuan States te chuan dan kalha lung in chhunga lung in tang tena phone an hman loh nan advanced cellular jamming leh ceulluar dection solution an hmang vek tur a ni a, lung in tangin dan kalha phone a hmang a nih chuan kum thum lung in tan belhtir tur a ti bawk.
Hei bakah hian classification and security assessment committee din tur ti bawkin chung chuan lung in tangte chu an kum, gender, lung in tan rei chhung tur, safety and security mamawh, physical leh mental health lama mamawh te, siamthatna lam kaihhnawiha mamawh te, sual tinawn etc te dan angin an thliarhrangin an enfiah ang a ti bawk.
“Lung in tang thliarhran te chu barrack/enclosure/cell hranah lung in tang dang te an hneh loh nan leh hmin loh nan dah hran tur a ni,” tiin Act chuan a sawi bawk a. Chu mai bakah mipa, hmeichhia leh transgender te chu dah hran tur a ti bawk.
Lung in tang zingah pawh thliahranna la siam zel tura tiin drug addcit leh zu lam vanga tang te, vawi khat lung in tanna te, foreign prisoner te, kum upa kum 65 chin chunglam te, natna kaichhawn thei emaw benvawn nei te, rilru lama chiang lo te, thi tura chungthu rel te, high risk prisoner te leh hmeichhia nau pawm leh kum lama la naupang te chu a hrana dah tur a ti bawk.
Hlauhawm zual bik leh high-risk prisoner te special cell emaw high security prison-ah dah bik tur a ti bawk a. High-risk prisoner te, misual tawrawt te leh lung in tang fo te chu parole a chhuah loh tur a ti bawk.