Indonesia ram Ma-lang, East Java-a October 2022 derby match kha kan la hria ang a, Arema FC leh Persebaya Surabaya inkhel en tura chhuak-khawm fans inchilbuaiah mi 135 zet thiin, stadium chhung inchilbuaina rap-thlakberte zinga pakhat ni taa mawhphurtua puh pa-khat match official Abdul Haris chu Ningani khan Indonesian court pakhatin thiamloh chantirin, kum khat leh a chanve chhung lung in tang turin a rel.
Court chuan Abdul Haris kha an puhna in-thlahdah leh a mawh-phurhna hlenchhuak zo lo tihah thiamloh a chantir a, Surabaya khaw court judge chuan match official in-thlahdah vanga kha thih-na zozai kha thleng a nih thu court thuremna a puan laiin a sawi.
Stadium chhunga in-chilbuaina (stampede) chhuakah khan stadium chhuahsan tuma mipui mangang talbuai zapdai turin police lamin tear gas hial an hmang a, nunna khati zozai kha a liam zui ta tho a ni.
Mawhphurtua puh le-gal team chuan he thu buatsaih lai thleng hian an chunga court thutluknaah comment an la pe lo.
Kha thil thlen dan kha Indonesia rama human rights commission chuan chhui nghalin, stampede thlen chhan bulpui berah police lamin tum 45 teh-reng mipui lam hawi zawnga tear gas an kap-chhuak kha an puh a; football match khelh laia buaina chhuakah Fifa lam chuan mipui thunun tura tear gas hman hi a khap tlat nghe nghe a ni.
Human rights lamin police-te an mawhpuh laiin court-in match official pakhat a hrem ta phawt a, kha vanduaina chhuaka mawhphurtua puh dang match official pakhat bak-ah police officer pathumte chunga court thutlukna tarlan hman a ni lo.
Lung inah Indonesian match official an namliam
![](https://theaizawlpost.org/wp-content/uploads/tap_logo-min-large.jpg)