Lunglei Pukpuia oxygen plant (filling Station) chu Inrinni khan Health & Family Welfare minister Dr R Lalthangliana’n a hawng.
Health minister sawi danin, he oxygen plant (filling station) hi Mizorama bun hmasak ber a ni a. North East Special Infrastructure Development Scheme (NESIDS) hnuaia cheng nuai 270.27 hmanga siam a ni. Mizoram Health department-in jumbo cylinder sei chi oxygen bur ruak, Silchar-a a thun thin chu a ngai tawh dawn lo a ni.
He oxygen plant hi Lunglei bakah chhimlam district tan thil tangkai tur a nih thu leh pawl bik awmloin a mamawhte tana siam a nih thu sawiin, “Kan health system hi a that loh chuan kan ram hi a thang thei dawn lo a ni,” ti.
Oxygen plant bun hna hi VIDUREPL Agency Guwahati-in a thawk a. He khawl hian darkar 24 chhungin jumbo oxygen bur sei chi 96 a siam thei a ni.
Lunglei ah oxygen filling station bun
