Site icon The Aizawl Post

Lungleia conviction rate chu 95%

Lungleia conviction rate chu 95%
Nikum chhung khan Lunglei district-ah pawikhawihna chhuichhuah, court-in thiamloh chantirte a hrem zat chu zaah 95 a ni.
Lunglei District Crime Review Meeting chu Zirtawpni khan Lungleiah neih a ni a. Kum 2022 chhung khan Lunglei district-ah thubuai 205 ziahluh a ni a, heng zinga 150 chu court-ah chargesheet thehluh tawh a ni. Court thubuai chinfel tawh 120 awmin, hetah hian case 111-ah convict an ni a, conviction rate chu 95% a ni. 2022 chhung khan case thehluh atanga thilbo hmuh let hlut zawng chu Rs. 9,017,760 a ni a, traffice rules bawhchhiate Rs. 5,01,450 chawitir an ni.
Kumin January 1 atanga March 17 thleng hian Lunglei district-ah case 47 ziahluh a ni tawh a, heng zingah hian case 21 chu court-ah chargesheet thehluh niin, unnatural death case 4 ziahluh a ni. Heroin kaihhnawih case hnih ziahluh tawh niin, mi 7 man an ni a. Heroin hi kg.3.620 a ni. Kumin January 1 atanga March 16 thlenga traffic rules bawhchhia sum chawitir zat chu Rs 3,08,109 a ni.
SP Rahul Alwal chuan kum 2022 chhunga case conviction rate a tha thawkhat hle a, Lunglei Police leh court-a thawkte bakah NGO leh mipui tawiawmna leh inpekna rah a ni, tiin, mipui tawiawmnaah lawmthu a sawi. Rukruk case leh ND&PS case a hluar zel lohna’n CCTV a theih anga tam hmang tangkai a, in kalsanin kan in leh lo tha taka kalhna siam a, rukruk leh ruihhlo kaihhnawiha jail tang thinte jail atanga an lo chhuah leh chhuah loh ngaihven a, lo thlithlai thin turin mipui a chah. Lirtheia chetsualna a hluar zel loh nan traffic rules ngaipawimawh tur leh, furpui thleng turah khuarel chhiatna thleng thei lakah mipui fimkhur turin a chah bawk.

Exit mobile version