Lungleia ei in siamna hmun endik dawn

District Level Advisory Committee on Safe Food & Healthy Diets Lunglei chu additional DC James Miahlung kaihhruaiin Thawhtanni khan an thukhawm.
Thutkhawmah hian ei leh in hrisel leh thianghlim neih theih tur ruahmanna hrang hrang sawi ho a ni a. Kumin October chawlhkar khatnaah tehfung hrang hrang hmangin ei leh in siamna hmun endik tum niin, October chawlhkar hnihna chhungin ei leh in siamtu – hotel, restaurant, bakery leh catering neitute tan ei in hrisel leh thianghlim siam leh zawrh chungchang inzirtirna buatsaih nise, tih a ni. Sawrkar office canteen-te pawh faina, hriselna leh thianghlimna ngaipawimawh tura hriattir turin head of office-te hnenah ngenna pek nise, an ti a. Lunglei Municipal huamchhunga bakery leh home made food siam thin sawrkara la inziaklut lote chu inziaklut vek turin local council kaltlanga hriattirna chhuah tum a ni bawk.
Heng ruahmanna hi a thawh khatna atan LMC huamchhunga kalpui tura tih niin, a thawh hnihnaah Lunglei district chhunga khaw kar kawnga hotel leh restaurant siamte endik leh tum a ni.