Lungleia ei siamna hmun endik
Lunglei district-a vantlang tana ei leh in siamna hmunten thianghlim leh hrisel taka ei siam leh zawrh an kalpui theih nan District Level Advisory Committee on Safe Food & Healthy Diets-in thingpui dawr leh ei siamna hmun endik tura Joint Inspection Team a din chuan a tum khatna atan Thawhtanni khan Lunglei khawpuia thingpui dawr leh restaurant dinhmun an endik.
A thawh khatna atan thingpui dawr, restaurant leh bakery-te tana endikna tur duan sa hmangin thingpui dawr leh restaurant 10 an endik a. Bawlhhlawh bawm awm dan, kut silna leh thleng silna hmun, kut hrukna /tui in tur/ inthiarna dinhmun, ei tur vawnthat dan, ei siamtute leh ei siamna hmun fai leh thianghlim dan, ei tur dahthatna him leh phui a awm leh awm loh, Food Safety Standards Authority of India (FSSAI) registration an neih leh neih loh leh inkaihhruaina an zawm that leh that loh, faina, thianghlimna leh hriselna kawnga an chet dan endikin, an dinhmun azirin point an pe a ni.
Lunglei District Level Advisory Committee on Safe Food & Healthy Diets hi kumin September 23 khan an thukhawm a. Lunglei district-ah ei leh in hrisel leh thianghlim chauh siam leh zawrh a nih theih nan leh FSSAI inkaihhruaina tha taka zawm a nih theih nana hma lakna tur ruahmanna hrang hrang an siam a. DLAC hian khawpui chhunga ei siamna hmun endik turin addl DC & adjudicating officer chu convener a ni a, Joint Inspection Team hi din a ni.
Lungleia ei siamna hmun endik
