Daily Newspaper

Lungleia inchhuizuinaah la negative zel

11

Lungleia thleng thar BSF-te leh Lawngtlai lam pana anmahni lirtheia kal, a hnua Covid positive an ni tih hriatchhuah ten Lunglei leh a chhehvela an dinna leh vahvelnaa hri an kai darh theihnate chu ngawrh taka la chhui mek zel a ni a. An chhui tawh thenkhat chu an negative tih finfiah a ni.

State dang atanga rawn haw, Aizawl atanga an in quarantine-na hmun tur Lawngtlai pana an lirtheia kal mi pahnih chu, a hnu ah Covid-19 an positive tih hriatchhuah a ni a, Lungleiah hian an lirthei ke an siamtirna te hi an sample lak a ni a, an negative tih finfiah a ni. Heng miten petrol an thunna hmun Lunglei pawna khua amite pawh test tura sample lak an ni.

Covid positive tih hmuhchhuah BSF-te inentirna clinic-a thawkte leh veng pahniha an bazar-na hmuna kal leh awmte chhuizuinaa an kai darh palh theih nia ngaih sample lak te pawh an negative a ni.

Heng mite telna July 9-a Lunglei Civil Hospital TrueNAT laboratory-a swab sample 22 test chu a negative vek a ni.

BSF-in an mite quarantine an kalpui dana thil fel tawk lo awm chungchangah district thuneitu hriat loha hma la tawh lo tura hriattir an nih bakah sawipui an ni a. Covid positove tih hriat tak BSF-te inentirna clinic pawh thu leh awm hma atan July 8 atang khantir a ni a ni.

Lunglei khawpui chhunga Covid-19 kai hmuhchhuah tharte chetvelna atanga hri inkaidarh theih a nih avangin heng hmuna kalte awmna vengte hian an veng chhungah total lockdown an kalpui a, an dinhmun ngun taka ngaihtuah a nih hnuin DLTF thukhawm chuan heng vengahte hian total lockdown hi kalpui chhunzawm nise tiin a rel.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy