Daily Newspaper

Lungleia RT-PCR khawl dahna tur enfiah

12

Mizoram sawrkarin Lunglei Civil Hospital-a RT-PCR khawl dahna theihna hmun enfiah tura a ruat MLA pahnih – Lawmawma Tochhawng leh Dr K. Pachhunga te chuan Thawhtanni khan hmunhma remchang tur nia langte hospital thuneitute nen an enfiah.

Inspection Team hian Lunglei Civil Hospital compound huamchhung OPD Complex hnunglam, ram ruak chu RT-PCR khawl dahna building sakna atan a rem tura ngaih a ni. Hospital building nen in si loin a awm thei dawn a, feet 40×20 a zau building a sak theih dawn a, lirthei a tlanlut thei bawk a ni.

Building sakna tur hian estimate siam nghal tur niin sawrkar hotute hnenah thlen a ni ang.

Lunglei High Power Committee vice chairman Lawmawma Tochhawng chuan, laboratory dinna tura a hmaa lo ruahman leh tha tura an lo ngaih, hospital building-a room ruak thenkhata laboratory dina khawl dah mai tura ngaih chu, ICMR lamin an pawm theih dawn lo nia sawi a ni a, building hrang a neih a ngaih avangin a hmunhma hi enthat leh ngai ta a ni, tiin a sawi. MLA pahnihte hian NHM atanga Mizoram an pek ambulance lian chi (Winger), Mizoram sawrkarin Lunglei civil Hospital-a dah tura a tih chu lawmawm an tih thu an sawi a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy