Daily Newspaper

Lungleiah CCC luah khat tawh

18

Lungleiah Covid kaite enkawlna turin hmun pahnih ruat a ni a, heng hmun hi khum 52 awmna a nih laiin tunah hian hri kai enkawl ngai 61 an awm a. Hmundang enkawlna hmun atana hman theih tur zawn mek a ni.

Thudawn danin, Lungleiah hian Covid Care Centre atana ruahman sa pahnih – SIRD Pukpui leh Zobawk PHC a awm a. SIRD Pukpuiah hian khum 32 awmin Zobawk PHC ah khum 20 dah a ni. Hetihlai hian tun dinhmunah Health department chhinchhiah danin Lungleiah hian Covid kai enkawl 61 an awm mek.

CCC-a khum awmte indaih lohna avang hian Sazaikawna Multipurpose Hall chu CCC atan ruahman lailawk a ni a, hetah hian sipai hri kaite dah an ni.
Covid Care Centre atana ruahmante hi hri kaiten an luah khah khah tawh avang hian khunghhranna dang ngaihtuahin Lunglei chief medical office chuan hma a la mek. Hetiang hi tunhnaiah pawh an lo tawh tawh thu sawi a ni.

Covid 19 hri kai pung chho mekah harsatna lian an tawh loh nan Lungleia Health department hotute chuan CCC dahbelhna turin sawrkar hotute ah sum an dil mek tih an sawi a. Zobawka CCC atana hman theih tur building thar, mi 100 awm theihna, cheng nuai 85 senna tur chu High Powered Committee Lunglei kaltlangin thuam chhoh mek a nih thu an sawi bawk.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy