Daily Newspaper

Lungleiah Covid sample enna kiosk hawng

8

Lunglei High Powered Committee (HPC) kaltlanga buatsaih Civil Hospital Lunglei-a ‘Covid-19 Sample Collection Kiosk’ chu nimin khan HPC vice chairman Lawmawma Tochhawng chuan a hawng a, Kiosk chhunga dah tur air conditioner a hlan nghal bawk.

Covid-19 Sample Collection Kiosk hi Civil Hospital Lunglei medical superintendent office hnuaia siam niin, a chhungah waiting room, reception, sample lakna pahnih, observation room, duty room leh doffing room te ruahman a ni. Hospital-a admit tur, operation theatre lut tur, damlo awmpuitute chu nitin engtik lai pawhin (24×7) a in test theih a, certificate mamawh vang emaw thil dang vanga test duhte tan (voluntary test) chawhnu dar 1-3.30 thleng a test theih a, medico legal case avanga in test mamawh te tan tlai dar 4.00 atanga a tuk zing dar 9.00 thleng a in test theih a ni. Test man hi sawrkarin a bituk angin Rapid Antigen Test ah Rs 200 niin Truenat ah Rs.1000 a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy