Daily Newspaper

Lungleiah mi 100 lenna tur CCC sak thar tum

8

Lungleiah Covid Care centre mi za len theihna, cheng nuai 85 senga sak tur ruahman a ni a, state sawrkar hotute hnenah an dil mek.

Lunglei District Level Task Force chairman, district bawrhsap ni bawk V. Lalsangliana hoin Ningani khan Lunglei Town huamchhunga VLTF hruaitute a kawm a. Sawrkar official thenkhat an tel bawk. Lunglei district-ah Covid-19 kaite enkawlna Covid Care centre (CCC) chungchang pawh sawi a ni a. CCC-SIRD Pukpuiah khum 32 awmin CCC Zobawk PHC-ah khum 20 a awm. Mi 100 enkawl theihna tur ruahman turin hma la mekin CCC building thar sakna atan cheng nuai 85 estimate siam niin, hei hi HPC Lunglei kaltlangin sawrkar hotute hnenah thehluh a ni.

Bawrhsap chuan Covid-19 leng vanga inkhuahkhirhna chu mimal eizawnna leh mipui harsatna sutkian a nih theih nan thlahdul deuh a nih rualin, mipuite tan fimkhur zual sauh a tul tih a sawi a. VLTF chairman tharte chu an mawhphurnate hrilhfiahin Covid-19 do kawnga hmalakna kal zelah kawng engkima thawhho puiah a sawm.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy