Mara Autonomous District Council leh ramri venga Siaha district-a awm Assam Rifles chuan Myanmar raltlan lo dawnsawn leh chhawmdawl bakah ruihhlo ven kawnga thawh ho zel an tum.
MADC chief executive member M Laikaw leh 23 Sector Assam Rifles Hqrs. commander Brig. Girish Upadhyay te chu Thawhtanni khan Siaha-ah an inkawm a. Tunlai Myanmar buaina kaihhnawiha tawmhimna zawnga MADC huamchhung pantute lo kuangkuaha an harsatna chinfel pui tura thawh ho, ruihhlo do kawnga chak zawka hma lak ho, Mara thalai tam zawk sipaia an tan theih nan a tul anga thawh ho, Mara zirlaite tan educational tour tam zawka buatsaih turte in an inrem a ni.
Mara Cultural Festival /Meet neih an sawidun bawk a. A tul anga inpuihtawn turin an sawirem a ni.
MADC leh AR-in raltlan lo dawnsawn ho zel rel
