Ni thum awh tur Mara Autonomous District Council (MADC) 2024 chu Nilaini khan an chairman N Viakhu kaihhruaiin neih tan a ni.
Session tan ni ah hian MDC nominated member pali chu House-a lawmluh tura ruahman a ni a, pakhat dam lohna avanga a tel theih loh avangin mi pathum lawmluh an ni.
Tun tumah hian starred question 33 leh unstarred question 6 a awm a, official bills leh rules pakhat ve ve awmin, Nilaini hian pharh nghal a ni a, vawiin – March 21 hian pass tum a ni ang. Heng pharh takte hi – The Mara Autonomous District Council (Marriage and Divorce Bill 2024) leh The Mara Autonomous District Council Animal Husbandry and Veterinary Group ‘A’ Post (Recruitment Rules 2024) an ni.
House leader, chief executive member M Laikaw chuan kum 2024- 2025 atana MADC Budget Estimate a sawi hnu ah thutkhawm tihtawp zui a ni. Budget estimate hi cheng nuai 21736.21 a ni a, March 22 hian sawihoa pass tum a ni ang.
MADC Session nei mek
