Star Indian shuttler PV Sindhu chuan Ningani khan straight-game hmanga Chinese Taipei nula Huang Yu-Hsun hnehin Madrid Spain Masters quarter-final a lut a, a tum leh tur hi sixth seed Supanida Katethong of Thailand leh Japanese Natsuki Nidaira inkhela chak zawk zawk a ni.
World champion hlui Sindhu hian Taiwanese qualifier leh world number 63-na ni bawk Yu-Hsun lakah minute 36 lek chhungin 21-14, 21-12 hnehna a sualchhuak hman a, nikum final-a a chak loh hnuah kumin hian title beisei turin final luh a hnaih leh phawt a, he thu buatsaih lai hian a last eight result tarlan hman a ni lo.
All England Championships leh Swiss Open lama title a hlawhchhuah hnuah top seed Carolina Marin of Spain chu Madrid tournament khel lo turin a inhnukdawk a, hei vang hian he title hun rei tak lo nghak ve tawh Sindhu hi champion thei tura ngaih leh beisei a ni mek.
Sindhu kuta BWF tour title luh hnuhnunber chu 2022 Singapore Open Super 500 daih tawh kha a ni.
Nilaini khan khan badminton tournament lian Madrid Masters khelh mekah hian Indian inlan dang Kidambi Srikanth, Kiran George leh Sathish Kumar Karunakaran-te chu an men’s singles match theuhah an tlawm.
Madrid Masters last 8 lut Sindhu
