Maharashtra inthlanah Vote 65.02% tla, kum 1995 hnua a tlak that ber tum thleng
Maharashtra-a member 288 awmna assembly inthlan neih zawh takah vote 65.02% a tla a, kum 1995-a 71.7% a tlak hnua vote a thlak that leh ber tum a ni.
Kumin Lok Sabha inthlanah khan 61.39% tlain hei pawh hi a khum a, kum 2019 assembly inthlana 61.4% tla pawh a khum.
Mi lar, politician leh dikna chanvo humhalhtuten mipuite-ah vote thlak tura auvin hei hian awmzia a nei hle nia ngaih a ni a, Election Commission of India pawhin vantlang tana vote thlak a awlsam zawkna tur a ngaihtuah hle bawk.
ECI chuan Nilainia vote thlakah khan district 36 awm zinga bial 10 awmna, Kolhapur chu vote tlak that berna niin 76.25% a tla tih an sawi a. Gadchiroli (73.68%) leh Jalna (72.30%) ten an dawt
Bial 10 tho awmna, City district chu vote tla tlemna ber niin 52.07% a tla a. Bial 18 awmna, Thane-ah 56.06% leh bial 26 zet awmna, Mumbai Suburban-ah 55.77% chauh a tla bawk.
ECI chuan Maharashtra-ah hian khawpuiah a hma pawhin assembly leh parliament inthlanah vote a tla tam ngai lo hrim hrim niin an sawi.
Maharashtra inthlanah Vote 65.02% tla, kum 1995 hnua a tlak that ber tum thleng
