Site icon The Aizawl Post

Mahni hlutna hralh duh khawpa rilru piansual hi a zahthlak – ZPM president

Mahni hlutna hralh duh khawpa
rilru piansual hi a zahthlak
– ZPM president
Inthlan kan hmachhawn turah mipuiin kan chhia leh tha hriatna fim hman a tul tih ZPM president Lalliansawta chuan sawiin, mahni hlutna hralh duh khawpa rilru piangsual nih chu a zahthlak tih a sawi.
Thawhtannia an party office-a inkhawmah ZPM president chuan, kan ram dinhmun ngun taka thlirin ram leilung tha, engkim that duh em em na hmun a ni chungin, engahmah kan la intodelhna lo tih a sawi a. Party sawrkar, mi tlemte hamthatna sawrkar kan din thin avangin ZPM chuan kalphung thar mipui sawrkar din ngei an tum tih a sawi.
“A tha lo leh dik lo hnawl a, rinawmna, dikna leh huaisenna nena ram tana ke pen turin kan inbuatsaih mek a, thawhrimna nena rorelna chelh tumin hma kan la a ni. Mahni hlutna pawh hralh duh khawpa rilru piangsual kan ramah kan awm fo thin hi a zahthlak hle a, LMC inthlan leh MLA inthlan turah hian kan chhia leh tha hriatna thiang tak hmang ngam turin ram mipui ka sawm a ni,” a ti. Mi awkhrawl leh mi dikloten rorelna fawng an vawn zel lohna turin ZPM chuan hma a la zel dawn tih a sawi.

Exit mobile version