Niti Aayog Window-1 hnuaia DC Mamit leh Mission Foundation Movement tangdunin JSS Mamita skill training ( ni 45 chhung) a kalpui chu Nilaini khan certificate leh bungrua sem a ni.
MFM director R Vanlalzauva chuan eizawnna tlak thiamna nei a, taima taka hna thawh chuan eng kawngah pawh hlawhtlinna a awm tih a sawi. He project hnuaia training chhuak – beauty therapist zir 15 leh carpentry zir 10 phnenah certificate leh hmanraw mamawh zual hlan a ni. Beauty therapist-ten hmanrua cheng sing hnih hu leh carpentry zirten hmanrua cheng sing thum hu bul tanna tur an dawng.
He project hian Mamit district-a thalaite eizawnna tlak kutthemthiam thil zirtir bakah bul tanna atan hmanrua pek chu a tum a ni a. Trade pahnih – beauty therapist (permanent makeup) leh carpenter & wooden furniture-ah training pek niin, trainee 25 an awm a ni.
Mission Foundation Movement hian project 20 chuangah hna thawkin, skill development lamah nasa takin hma an la a. JSS Mamitah hian tunah trade 13 kalpui mek niin, Mamit district chhung hmun hrang hrangah centre an nei a ni.
Mahni kuta eizawnna zirtir
