Mizoram Planning & Programme Implementation department hnuaia Mizoram Startup Mission (MSUM) bultumin National Startup Day Mizoram Edition chu Thawhtanni khan Aizawlah lawm a ni a. Planning secretary Lalmalsawma Pachuau chuan a hmanpui.
Startup leh a hlawkna awm theite asst professor Dr Lalsangliani’n sawiin, India sawrkarin mahni kutkawiha eizawngte tan scheme hrang hrang a duan chhuah leh hamthatna awm theite a sawi a ni.
One Organic Partnership partner Mark Lalduhsaka leh Tribeland Coffee founder PB Lalrinfela ten an kutkawih eizawnna bul an tan dan leh hemi kawnga harsatna an hmachhawn dan te, beidawng loa thawh tang tang leh teirei peih a pawimawh zia te an sawi a ni.
High school leh higher secondary school sawmbik leh college zirlai, Entrepreneurship Knowledge Cells member-te tan startup quiz leh gamestorming buatsaih a ni a. Mizorama strartup leh entrepreneur ten an thilsiamte pholangin zirlaite nen an inkawm a ni.