Daily Newspaper

Mahni tihsualah mipui puh tum – MPYCC

9

Hrileng darh mek chungchangah Mizoram sawrkar chu ama tihsual luihah mipui puh let tumah an ngai tih Congress Thalai chuan an sawi.

Thuchhuah siamin Congress Thalai Hqrs. chuan, political party-ten hrileng inkaidarh a hlauhawm avangin local council leh village council inthlanpui kaltlangpui rih lo tura sawrkar an ngen ngawih ngawihna chu bengkhawn loin, sawrkarin inthlan a huaihawt luih vangin, tunhnaia Covid-19 kai pung ta hluai chu inthlan kaihhnawiha thleng a ni ta deuh zel tih a sawi.

Hetiang hi a nih tak avanga sawrkarin mipuia ngaihdam a dil rin a nih mek laiin, hri inkaidarh chu mipui fimkhur loh vang a ti ta hlauh tih a sawi. ‘September 14-a sawrkar thuchhuak – Covid-19 chungchanga Health minister Dr R. Lalthangliana hoa thutkhawmah hri kaitharte an chhuichiannaah, case tam ber chu mipui fimkhurna kawnga kan inthlahdul deuh vang nia a lan thu tarlan a ni, a ti a. Mahni tihsual luihah mipui an puh hi an demawm takzet,’ a ti.

August 27 leh a hnulama inthlan neih avangin hrileng chu mipuiah chhui hleihtheih lohin a darh ta tih Congress Thalai hian sawiin, hei vang hian ‘lockdown’ puan a ngaih leh tak thu te, mipuiin hrileng bakah ei barah nasa taka an tawrh mek thu te, lockdown puan chhung hian nitin eichawp zawnga inhlawh leh fehchhuak thinte, commercial vehicles-a eizawngte, sumdawng leh inthlan kaihhnawiha Covid19 kai phah ta ten harsatna nasa tak tawkin an ei leh bar zawnna a sukuk phah nasat thu te a sawi. ‘Hengte avang hian sawrkar hian zangnadawmna siamsak rawh se,’ a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy