Daily Newspaper

Mahnia intum ngai khunghran man tur tichhuak

13

Mizoram sawrkarin thuchhuah a lo neih tawh angin Aizawl district bawrhsap chuan state pawn atanga Mizorama haw turten sawrkar dan zawma ni 14 an inkhunghran chhunga an awmna hmun azira an chawi tur zat a tichhuak.

Aizawl District Task Force on COVID-19 chairman, district bawrhsap thuchhuah siam danin, Aizawl district-a quarantine centre-te thlen man leh ei leh in man chu siam a ni a. Quarantine center – deluxe-ah mi pakhat tan zan khatah Rs.500 zel niin, deluxe hi Tourist Lodge Chaltlang (a vaiin), State Guest House (a vaiin), Tourist Lodge, Beraw (hall leh dormitory tel loin) a ni.

Deluxe hnuai chiah, ‘standard’ category-a thlenna te chu: SIRD Hostel (hall leh dormitory telloin), YHAI Luangmual, FRCDR Farmer Rest House Bethlehem Vengthlang, RAY Housing Falkland, Forest Training School Hostel Bethlehem Vengthlang leh Sericulture Training Centre Zemabawk an ni a, hengah hian mi pakhat tan zan khatah Rs.200 zel chawi ngai a ni. Heng bak, sawrkarin inkhunghranna tura a ruahman danga lut duh tan mi pakhatin zan khatah Rs.100 zel a chawi a ngai a ni.

Heng hmuna inkhunghrang turte hi ei leh in atan mi pakhat zelin ni khatah Rs 300 chawi tur a ni a; ni 14 chhungin Rs. 4200 a ni. Naupang kum thum hnuailam tan ei leh in man leh riah man pek a ngai lo thung.

Sawrkarin thuchhuah a lo siam tawh angin, khungranna man chawi lo tur (exempt) an awm thei dawn a. Hei hi district bawrhsapin chawi ngaite awl (exempt) tura a tih chin chauh niin, heng mite hi: state pawna hna nghet ni lo thawk (migrant worker), migrant worker ngei an ni tih finfiahnan an hnathawhna ID thehlut tel theite emaw ID neilo chi a hna an thawk anih chuan an thawhna hmun Mizo Welfare-te lehkha siamsak neite; Mizoram pawna awm, sum harsatna tak tak nei, mi harsa an ni ngei tih finfiahnan Family Ration Card emaw sawkar lehkha dang engemaw tal copy thehluh tur neite; hrisellohna avanga inentir tura referred te, refer an ni tih chuanna lehkha copy thehluh tur neite chu ngaihnatthiam an ni dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy