Santa Rosa, California a thlai chingtu, Brandon Dawson chuan mai (pumpkin) lian mangkheng a thar a, 2025 Safeway World Championship Pumpkin Weigh-off, Half Moon Bay, California-a neihah lawmman pakhatna a dawng a, trophy bakah dollar 21,114 dawngin, lawmman hi mai pound khatah dollar 9 ang zela chhut a ni.
Brandon-a mai thar hi pound 2,465 (kg 1118.105) a rit a ni hem mai a, kuminah lawmman pakhatna dawng mah se nikum intihsiaknaa lawmman pakhatna dawngtu, Travis Gienger-a mai thar erawh a la tluk lo deuh a, Travis-a mai hi pound 2,471 (kg 1120.827) a rit a ni. Nikumah Brandon hi pahnihna a ni tawh a, kuminah Travis hi intihsiaknaah hian a tel lo ve thung.
He mai lian inentir siaknaah hian lawmman pakhatna dawngtu hian world record a siam phei chuan bonus prize dollar 30,000 pek tel tur a ni a, tunah mai lian ber record chu Travis Gienger-a’n 2023-a a siam niin, hemi kuma a mai thar chu pound 2,749 (kg 1246.925) a rit a ni a, hei hi chhinchhiah theih china khawvela mai lian ber a la ni.
Mai an inthar len siak leh ta
