Daily Newspaper

Mainstream media-te aiin Digital Media te guidelines siam hmasak phut

9

Sorkar chuan nimin khan Supreme Court chuan mainstream electronic leh print media te aiin digital media-ah journalist freedom leh responsible journalism inkarah guidelines a siam hmasa tur a ni tiin a sawi.

Web-based news portal, YouTube channel te bakah Over The Top (OTT) platforms te chuan viral thei turin theihna nasa tak a nei a. Mainstream publication leh telecast te aiin digital media chuan thawklehkhatah hrang hrang leh social media platform heng WhatsApp, Twitter leh Facebook te hmangin thlirtu nasa taka nei thei leh zau tak a ni a. Hei vang hian digital media a hmuh theih leh inziak te hian ‘nghawng na tak a nei thei a ni,’ tiin Centre chuan a sawi bawk.

“Mainstream media (electronic emaw print emaw) ah chuan publication/telecast chu tum khata tih a ni a, digital media chuan thlirtu/chhiartu zau zawk tak neiin electronic application WhatsApp, Twitter, Facebook te hmangin viral vak thei a ni. A nghawng nat thin dan ngaihtuahin court hian hmalakna nei se, digital media chungchangah hian hma la hmasa se, a chhan chu electronic media leh print media-ah chuan framework leh judicial pronouncement tha tawk a awm tawh a ni,” tiin Centre chuan phek 33 a chhah affidavit a thehluhah a tarlang.

He counter affidavit hi court-in sorkar chu electronic media-a communal leh insawichhiatna kaihhnawih laka him nana guidelines siam ni se a tih chhan letna niin, Justice D.Y. Chandrachud kaihhruai Bench chuan a hmain Sudarshan News channel te tihchhuah ‘Bindas Bol’ chu thu leh awm hma chu tichhuak rih lo turin a lo ti tawh a.

He show hian a landanah Muslim community te relchhiatna lantirin a ruka civil service luhchilh tuma chet laa puhna a ni.

Journalist zalenna
Bench-a thu Justice K.M. Joseph chuan journalist te chu mipuite aiawha an duh ang sawi thei tura zalenna a thuam an nih thu a sawi a.

“Journalist-te zalenna hi chintawk nei lo a ni bik lo. Journalist te chu an debate kalpuiah an dik tur a ni a. Kan hriat reng tur chu an zalenna hi khua leh tui dang te ang bawk a ni tih a ni,” tiin Justice Joseph chuan a sawi a.

Justice Chandrachud chuan media te chuan investigation an neihah a pumpui aiah thlurbing tlem te chauh an neih fo thu sawiin media tihtur chu dik leh fel taka thil kalpui a ni a ti a. “Hmingthatna leh landan tihchhiatin a awm thei,” tiin Justice Chandrachud chuan a sawi bawk.

Justice Joseph chuan visual media house chungchangah a neitu langtlang ni se, shareholding leh revenue an neih te pawh langtlang vek ni se a duhthu a sawi a. Chu mi hmang chuan sorkarin advertisement a pek tur leh tur lohah pawh a chiang thei ang, a ti a. Hei bakah hain TV anchor thenkhatte chetdan chu sawi bawkin an panelist te tawng hriat theih lohva siamin anmahni chauh an inthlurbing a, midangte ngaihdan sawina hun pawh an pe lo fo tiin a sawi bawk a.

“Media te hian standard an insiam an bawhchhe thiang lo,” tiin Justice Chandrachud chuan sawi bawk.

Court chuan tunah chuan measures leh guidelines siamnaah ram puma mi thlauk tha ber berte ngaihdan an lakkhawm tur thu a sawi bawk a. Mahse, Bench chuan media-te chetdan tura guidelines siam chu State te kuta dah loh tur a ti thung bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy