Daily Newspaper

MAL inkhawmah BotY dawngtu chawimawina hlan

11

Mizo Academy of Letters (MAL) kumtawp inkhawm Zirtawpnia Aizawla neih chu Art & Culture minister R. Lalzirliana chuan a hmanpui a. Book of the Year 2019 a thlanchhuah, Falung ziaktu Lalengzauva hnenah thuziak leh sumfai a hlan.

Minister chuan MAL hmalakna fakin Mizo hnam tana rohlu an ni tih a hrilh. Lehkhabu tha tak tak tam tak zinga Book of the Year atana thlan chhuah Falung chu lehkhabu ngaihnawm leh zirtirna nei tha, ramin a mamawh em em – dikna leh huaisen inzirtirna, nu leh pate thuawih pawimawhzia tarlangtu a ni, tiin a sawi.

MAL din champha, April 23 chu hrileng avanga hman theih a nih tak loh avangin, kumtawp inkhawm nen kaihkawp a ni a. An din champha an tih thin, Book of the Year lawmman hlanna neih nghal a ni.

MAL danbu in a sawi angin, Book of the Year 2019 thlangtu Committee din a ni a, he Committee hian thutkhawm vawi 8 a neih hnuah MAL Executive Committee-ah rawtna a chhawpchhuak a. Kum 2019 chhunga Mizo irawm chhuak lehkhabu 231 zingah Falung chu Book of the Year 2019 atan thlan a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy