Maldives President Mohamed Muizzu tan thil duhawmlo tak thlengin pro-Indian Maldivian Democractic Party (MDP) chuan capital Male Mayoral election ah chakna an chang.
MDP candidate Adam Azim chu Male mayor atana thlantlin a ni a, Muizzu a thlak dawn a ni. Muizzu hian nikum presidential election khan a chuh duh vangin Mayor nihna a kalsan a ni.
Maldives media te chuan Azim chuan hnehna a chang hneh hle tia sawiin, a tumpui a hnehna chu nasa tak a ni an ti.
MDP hi pro-India president hlui Mohammad Solih kaihrhuai niin nikum presidential election ah khan pro-China leader Muizzu chuan a hneh thung.
Boxes 41 chhiar tawhah Azim chuan 5,303 vote a hmu a, amah hnaih ber tu Aishath Aziama Shakoor of MR, Muizzu telna People’s National Congress (PNC) chuan vote 3,301 a hmu thung niin Maldive a Sun Online news portal chuan a tarlang.
Inthlanna January 13 khan neih niin vote a tla tha lo hle tia sawi a ni bawk a. Mayor a chakna an chang hian MDP te a tiphur zual tura ngaih niin Parliament-ah majority an la nei mek bawk a ni.
China ni nga chhung tlawha zin Muizzu chuan Inrinni kalta khan Male thlawk lutin Male City Council leh Mayor te nen an thawhho that tur thu a sawi a.
Azim thung chuan a chakna chu Male a cheng zawng zawng te chakna a ni tiin a sawi thung a. Mihaaru news hnenah Azim chuan inthlana amah vote leh thlawp tute a bik takin MDP leadership leh campaign team te hnenah lawmthu a sawi a ni.
Male Mayor tur thlanna hi tun hnaia Muizzu sorkar a deputy minister pathum tena Indian Prime Minister Narendra Modi duhlohna lam hawi an sawi avanga India nena inbakkaihna thlen laia neih a ni a. Chutihlaiin China a tlawhnaah Muizzu chuan Maldives leh Beijing te chu an inzawmna a that tur thu a sawi thung.
Maldives hi khualzinte tlawhpawh nasat a ni a, Russian khualzin a nei ngah ber a, a dawtah Indian te niin pathumna chu Chinese an ni thung.
Male mayor-ah pro-India lam tling
