Mali khawpui bulah jihadist-ten lirthei tam tak hal

Malian khawpui, Bamako bulah jihadist-ten khawpui dan an tihchak nan tuialhthei phur, bus tê chi leh truck telin lirthei tam tak hal a ni.
Lirthei kal lai atanga video lakah chuan Bamako khawthlang lam km 45 vela hla kawngpuiah lirthei kang chhia tam tak a lang a. Thi leh hliam an awm hriat a ni lo va, lirtheia chuangte chu hal hmain chhuak tura tih an nih thu an sawi.
Al-Qaeda nena inzawm, Jihadist pawl, Jama’at Nusrat al-Islam wal-Muslimin (JNIM) chuan nikum khan Bamako-ah tuialhthei lut tur an lo dang tawh a, thla hmasaa khawpui an beih hnuah khauh zawkin an kalpui.
Mali hi tuipui kama awm a ni a, a thenawma Senegal leh Ivory Coast atanga tuialhthei phurh luhah a innghat nasa hle.
Firfiakte hian nikum atang khan highway-ah lirthei khalhtute an ruk bo bakah tuialhthei phur truck 100 chuang an hal tawh a, sipai venna hnuaia Bamako thleng pawh an awm bawk.
Kawngpui dan avang hian karleha Islamic kût, Eid al-Adha hmanna tur bungrua indaih lohna a nasain a leh man pawh a sang hle.
Tuialhthei lut tur dan hi Malian economy tihbuai leh thuneihna changtu sipai hruaitute tihchak loh nan a nih thu mi thiamte chuan an sawi.
Tunah hian Mali hi Gen Assimi Goïta kaihhruaina hnuaiah a awm mek a, kum 2020 khan sorkar paih thlain thuneihna a chang a, venhimna siam that leh ralthuam keng pawlte nawr let leh a tiam a. Wagner Group atanga piang, Russian paramilitary, Africa Corp chu Islamist helho beihnaah pui turin a sawm a ni.
January thla khan kum 47 mi, Brig Gen Famouké Camara chu tuialhthei danna bei letna tur special operation kaihruai turin a ruat a; mahse, tuialhthei phurte beih chhunzawm zel an ni tho.
Tun tuma thil thlen hma deuh atang khan dan avanga tuialhthei harsatna chu a ziaawm deuh tan a. Africa Corp chuan Bamako-a phurh luh theihna turin an pui nasa hle.
Jihadist-ten nikuma tuialhthei an dan avang khan khawpuiah an indaih lovin a man pawh a to phah hle a. Thla hmasa khan danchah hmakna tur thupek an tichhuak zui a, mi chengte pawh an mangang hle.