West Bengal Chief Minister Mamata Banerjee chuan BJP kaihhruai sorkar laipuiin India eastern State laka thleibikna a kalpui duh lohna lantir nan March 29 atangin Kolkata-ah ni hnih chhung awh sit-in demonstration a neih tur thu a sawi.
Mamata Banerjee chuan tun thlengin Centre chuan MGNREGA proect leh housing leh road department kaihhnawih thilah sum pekchhuah a la nei duh lo tiin a sawi a.
“West Bengal hi Centre atanga engmah dawng lo state awm chhun a ni a. Kan sum chan tur liau liau pawh pekin kan awm lo. Kumin Union Budget ah pawh kan state tan engmah dah a ni ve lo,” tiin a sawi a.
“Hei vang hian Centre-in Bengal a thlei bik dan duh lohna Chief Minister ka nih angin ka lantir dawn a. March 29 atangin Dr. B.R. Ambedkar lim hnuaiah sit-in demonstration March 30 tlai lam thlengin ka nei ang,” tiin Odisha ni thum awha tlawh tura Dum Dum airport a chhuahsan hmain a sawi. Banerjee hian Odisha chief minister Naveen Patnaik chu coastal state a tlawhnaah hian a hmu dawn bawk a ni.
Mamata Banerjee-in lungawilohna lantir dawn
![](https://theaizawlpost.org/wp-content/uploads/tap_logo-min-large.jpg)