Daily Newspaper

Mami Varte ‘Ana Chuang E’

16

Mami Varte pawh chhangchhenu ni a rimawi khawvela a thawm a reh deuh vang vang hnuah a music video ‘Ana Chuang E’ tih hla nen a rawn comeback ve leh ta.

Mami hian a music video hi Thawhtanni khan a YouTube channel-ah a dah thar a, “A video hi kan siamna chu a rei ve leh deuh tawhnain YouTube channel te kan ti thar ve leh a nih hi,” a ti a, a hla dang pawh la dah luh belh zel a tum.

‘Ana Chuang E’ tih music video hi a album ‘Damlai Par’ kum 13 tlin lawm nana a tih a ni pakhat a, “Damlai Par kha August ni 17 khan kum 13 a tling ve chiah a, chumi pual deuha ka tih chu a ni ve bawk a,” a ti a, a YouTube channel-ah hian hla thar dang te pawh dah luh zel a tum a, “Lockdown hmaa kan buaipui ve neuh neuh te pawh tunah chuan kan buaipui leh thei deuh tawh ang a,” a ti.

Mami Varte hian May ni 14 khan a pathumna atan fa a nei leh a, tunah chuan chhangchhe nu niin, fa pathum nen a inpawm bawr ve tawh viau a, hma han lak deuh zung zung te pawh a harsa be deuh tawh ang a, chuti chung chuan a hla thar leh video thar te pawh kan la ngaithlain en tur kan la nei zel dawn tho e.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy