Daily Newspaper

Mamit-a Covid vaccine pek dan tur rel

10

District Task Force on Immunization Mamit District chu an chairman, district bawrhsap Dr Lalrozama hoin Thawhtanni khan an thukhawm a. Covid-19 vaccination chungchanga inbuatsaih dan tur bakah IPPI January 2021 a kalpui dan tur sawi ho a ni.

WHO Mizoram surveillance medical officer Dr Lalhlimpuii report pek danin, India sawrkar hnuaia din National Expert Group on Vaccine Administration for Covid-19 (NEGVAC) duhdan angin vaccine hi a tirah frontline workers – health care services-a thawkte, kum upa kum 65 chunglamte leh natna benvawn neisa pek hmasak tura ruahman a ni a; vaccine hi vawi leh khatah tamtak a siamchhuah theih loh avangin mipuite kan dam loh pawha min buaipuitute, kum upa leh hriselna lama harsatna nei bikte tan pek hmasak nise tih a ni. Mamit district bikah Covid-19 Portal-ah frontline workers Covid vaccine-a awm veleh pek hmasak tur hian mi 780 thehluh a ni.

Thutkhawma tarlan danin, Mamit district chhungah Covid-19 test hrang hrang hmanga en tawh hi mi 4650 an awm a. Heng atang hian mi 82-in hri an kai tih hmuhchhuah tawh an ni, chu chu endik tawh atanga zaa 1.76 a ni.

Intensified Pulse Polio Immunization January 2021-a neih tur pawh sawi ho a ni a. Naupang kum 5 hnuailam mi 10444 hnena pek tura ruahman niin, hemi atana vaccine vials mamawh zat chu 693 a ni. IPPI 2020-ah hian target atangin 98.3% pek an ni a, kumtharah pawh a theih ang anga tan la a, target awmsa pe kim ngei tura hma lak nise tih a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy