Daily Newspaper

Mamit College hotute thukhawm

12

Rashtriya Uchchatar Shiksha Abhiyan (RUSA) Govt Mamit College Board of Governors chu an chairman, district bawrhsap ni bawk Dr Lalrozama hoin an thukhawm.

Chairman Dr Lalrozama chuan Mamit College-in RUSA kaltlanga hmasawnna a hmuhte chu lawmawm a tih thu a sawi a. Zirlaite leh thawktute pawh model degree college-a hlankai a nih theihnan cheng tamtak senga hmasawnna hnathawhte chu chhawr tangkai thiam turin a chah.

RUSA hi sawrkar laipuia Ministry of Education hnuaia India ram state university leh sawrkar college ten kawng tinrenga hma an sawn theihna tur Mission a ni a. Tunah hian RUSA 2.0 kalpui mek niin components 6 hnuaiah degree college awmsa model degree college-a hlankai a nih theihna turin Govt. Mamit College chu model degree college ni tura hma lak mek a ni a. Hemi atan hian tanpuina vaibelchhe 4 ruahman a ni.

Asst coordinator RUSA Dr Joseph C. Lalremruata chuan power presentation pe-in RUSA hnuaiah hian Govt. Mamit College-ah Library cum Seminar Hall (395.18 sq. m) nuai 160, classroom building (482 sq.m) nuai 153, boundary wall (52 mt) nuai 7 mante thawh zawh tawh a ni a, bungraw thar leh thil tul dang lei nana hman tur nuai 80 erawh la dawn loh a nih thu a sawi.

RUSA guidelines-in a sawi angin central, state leh institutional level-ah thuneitu inkhaichhawn diat hrang hrang a awm a. College level-ah chuan Board of Governors (BOG) leh Project Monitoring Unit te awmin Committee sang zawk BOG-ah hian DC chu chairman niin college principal chu vice chairman a ni. Member-ah hian Sub Hqrs YMA, MHIP leh College atang aiawhin ruat an ni a. Member secretary-ah hian RUSA coordinator a ni bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy