Daily Newspaper

Mangangte pui turin mithiamte fehchhuak

34

Sawrkar leh Mizoram University chuan psychologist leh clinical psychologist rualte chu lirnghinna hmuna cheng mipui thlabar hnema councelling neihpui turin an fehchuak.

Mizoram sawrkar ruahmana Mizoram University hnuaia Department of Clinical Psychology kaihhruaina in psychologist leh clinical psychologist mi 37 chu Group 7-ah insiamin lirnghing tuartute, hlauh vanga mahni inah pawh riak ngamlote thlamuana kaihhruai turin MZU-a Department of Clinical Psychology HoD Prof Zokaitluangi hoin an kal bawk. Khaw 31 tlawh tura ruahman niin, mipuite dinhmun zirchianga tanpuiin a tul ang ang an thawk ang.

Volunteer-te hi MZU zirtirtute leh zirlaite, MZU Alumni Psychology Association, Mizoram Psychology Association mite an ni a. DM&R leh Home Department-in engkim ruahman sakin senso a tum dawn. Lirnghinna hmun an chamchilh chhung hian Champhai DC staff leh khawtlang hruaitute puibawmna hnuaiah an thawk anga, an zawhfelah Champhai DC Maria CT Zuali hnenah report an pe ang.

Hetihlai hian Ningani chawhnu dar 2.28 khan Champhai district Tuipuiral huamchhungah magnitude 4.3 a na in lirnghing a awm leh a, thil a tihchhiat leh mihring hliam an awm hriat a ni lo. A nghin tanna hi Farkawn ram huamchhung vel nia hriat a ni a; Zawlsei, Khawbung, Dungtlang, Leithum, Samthang, Vaphai leh Chawngtui E a nghawng na tlangpui thin a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy