Manipur-ah Laldenga lung phun
Nunna chante MNF-in ral nghal
MNF founder president Laldenga lung chu S Sezaw khaw daiah phun a ni a. Hemi puala hun hman hi MNF senior vice president Dr R Lalthangliana hoin an hmanpui a. Tunhnaia Jiribam district-a Zofa nunna chante chu an ral nghal.
Manipur-a S.Zezaw khaw daiah Ex-Mizo National Army Sub-Hqrs Manipur leh S.Zezaw MNF buatsaihin MNF founder president Laldenga lung phun a ni a. MNF Gen. Hqrs. atangin senior vice president ho leh Ex-MNF Gen. Hqrs. atangin president C Zama hoin an hmanpui a. Helai bial, Singat bialtu MLA Chinlungthang hoin an hmanpui bawk.
Rengkai Churachanpur district-a Hmar Inpui tlawh nghalin CRPF-ten villege volunteer 10 an tih hlum tak leh Zosangkim Hmar rawng taka thahte an ral a. Hmar Inpui Gen. Hqrs leh Hmar Students Association Gen. Hqrs. hruaituten an lo dawngsawng.
Hnam pasalthate martar-na chuan Zofa khawvel hmun tina awmte min phuarkhawma min tipumkhat sauh sauhtu nise a duh tih Dr R Lalthangliana hian a sawi. “Inthen thei kan ni lo tih kan hriatreng a tul. Ram chuan ri neiin hnam chuan ri a nei ve loa, thinlung chhung rilin khawvel hmuntina Zofa unaute inpumkhatna nghet tak nei sauh sauh turin ka sawm a ni,” a ti.
MLA Lalrintluanga Sailo pawhin Manipur chief minister-in lo hre tura a duh a sawi a. MNF chu kum 20 chuang kaltaa lo rammu tawh an ni a. Chief minister atanga bang turin a ngen a, a bang duh lo a nih chuan ‘Greater Mizoram’ an demand leh anga, Manipur-a Zofate chenna ram zawng zawng chu Mizoramah rin luh leh an duh tih lo hria se, tih a sawi.
Manipur-ah Laldenga lung phun Nunna chante MNF-in ral nghal
