Manipur-a Kuki triabl group leh ethnic majority Meitei te inkara intihthiamlohna chuan thlathum dawn hmel a hmuh tawhah buaina in ziaawm lam a pan thei lo.
Ministry of Home Affairs (MHA) kaihhruaia Manipur Governor Anusuiya Uikey-in a ho peace committee chuan awmzia nei hauh lovin Kuki leh meitei community a civil society group te chuan an ngaih pawimawh duh loh vang a ni.
Suspension of Operations hnuaiah Kuki rebel group leh Meitei civil society te nena inbiakna a kal mek reng a, mahse, inrintawnlohna nasa tak a awm avangin hun a awh rei viau tura ngaih a ni.
Manipur sorkar leh meitei society te chuan chiang takin Manipur thenhran an duh loh bur thu leh an dodal tlat tur thu an sawi chiang tawh a.
Kukis te chuan meitei ten assembly member 60 awmnah Meitei ten MLA 40 neiin politics thilah an duhdan danin thil a kal tiin hei vang hian ‘seperate administration’ an ngiat bur thung.
Meitei leh Kuki ten security forces-ah rinna an nghat lo ve ve a. Kuki te chuan Manipur police te chu bias tiin Meitei te chuan Assam Rifles an ring ngam lo bawk. Central forces te Manipur-ah an awm reng thei dawn lo va, hei vang hian state police te chuan law and order kengkawhin Assam Rifles te chuan Myanmar nena ramri an venhim a ngai bawk.
BJP te chuan an chhuantawlawl troubleshooter Assam Chief Minister Himanta Biswa Sarma chu Manipur ah an hmang hlei thei lo va. Union Home Minister Amit Shah an Manipur a tlawh hnu khan Sarma chu Meitei leh Kuki group te sawipuia hma la tura a tih an ni.
Kuki group te chuan Manipur chief minister atanga Biren Singh paih a nih hma chuan inbiaknaa tel an tum lo va, mahse, Meitei te chuan Biren Singh chu an thlawp tlat thung.
Manipur-a tribal group lian ber Nagas te chu an inrawlh duh thak lo bawk a. Naga political party Naga Peole’s Front state unit te chuan Biren Singh an thlawp thung a. Remna awm theih nana hma la thei an nih laiin Central sorkar nena an peace talk chauh an thlurbing thung.
Mizoram leh Mizoram Chief Minister te buainaa inrawlh chuan Manipur sorkar leh Meitei te a tilungawi lo hle bawk a. Mizoram chuan Myanmar leh Manipur atanga raltlan thahnem tak New Delhi leh Biren Singh te duhdan lo angin a kawl teuh mek a ni.
Manipur hmun tam zawka Armed Forces Special Powers Act (AFSPA) hnuhkir chuan army tena tun hma anga operation an neih theih thin a tibahlah bawk.
Manipur buaina nasa zual zel
